Vearjoamnestiija birra

Buvtte politiijaide bissuid ja láttaid/luođaid jna

1. Gávnna politiijastašuvnna mii váldá vuostá vearjjuid

   Fertet boahtit dakkár politiijastašuvdnii mii váldá vuostá vearjjuid. Muhtin sajiin fertet soahpat áiggi goas sáhtát boahtit. Čále iežat adreassa dás vuollelis, de ihtet rabasáiggit, adreassat ja gulahallandieđut stašuvnnaide gosa sáhtát buktit.

   Čále báikki dahje coahkkal vai du posišuvdna ihtá:

   Skriv sted eller klikk for din posisjon

   1. Skriv sted eller klikk for din posisjon

   1 Resultatene er klare. Bruk piltastene eller sveip for å gå opp og ned.
2. Sihkkarastte bissu fievrredeapmái

   Go fievrredat bissu politiijaid lusa, de dat ii galgga leat luđejuvvon. Várut ahte bissu gámmáris dahje magasiinnas ii leat patrovdna/ládda. Jus leat eahpesihkar, de ávžžuhit mii du bivdit bissodovdis veahki, dahje ahte riŋget politiijaide jearrat.

   Jus dus leat bávkkanasat, granáhtat, ruvttat dahje dollarusonat ja dakkárat, de lea deaŧalaš ahte it ieš buvtte daid politiijaide. Dat lea sihke alccet ja earáide várálaš. Váldde oktavuođa politiijaiguin tlf 02800 bokte, de bohtet sii veahkkin daid rádjat. Dat lea nuvttá.

3. Registrerehit bissu

   Go boađát politiijaid lusa, de sii registrerejit maid leat buktán ja dat billistuvvo. It dárbbaš muitalit iežat nama. Dušše dalle jus áiggut alccet registreret, vuovdit dahje de-aktiveret bissu, fertet muitalit nama.