Tiltalt for aktlaust drap og brot på meldeplikt ved dødsfall
Ein mann i 30-åra frå Sunnmøre er tiltalt for brot på straffeloven § 281 og § 163, aktlaust drap og brot på meldeplikt ved dødsfall.
Politiet har sidan desember 2021 etterforska ei sak der ein ung mann vart funne død utandørs i Ulsteinvik i Ulstein kommune.
Saka er no ferdig etterforska og statsadvokaten i Møre og Romsdal har tatt ut tiltale mot ein mann i 30-åra for brot på straffeloven § 281 og § 163. Saka er sendt over til Møre og Romsdal tingrett for beramming og vil bli aktorert av statsadvokat Jogeir Nogva.