Oppdatering knytt til pressmelding den 23. november om falske setlar.
Den 23. november sendte Møre og Romsdal politidistrikt ut ei pressemelding om at det var beslaglagd falske pengesetlar og at desse kunne vere i omløp. Vidare etterforsking har no vist at setlane er ekte.
På bakgrunn av dette er straffesaka mot kvinna som prøvde å nytte setlane lagt bort. Møre og Romsdal politidistrikt vil hjelpe kvinna med å erstatte verdien da setlane er vurdert som skadde i samsvar med Norges Bank sitt regelverk.
Innleiande etterforsking viste tendensar som tilsa at setlane var forfalska. Ytterlegare etterforsking, mellom anna analyse frå Kripos, har konkludert med at setlane er ekte.
I dette tilfellet såg vi på det som viktig å få ut informasjon raskt for å førebygge spreiing av det som kunne vore falske kontantar i ein høgsesong for handel. Denne informasjonen viste seg å vere feil, det beklagar vi.