To personar funne døde
Det var to eldre personar, ein mann og ei kvinne, som vart funne døde i ein bustad i Molde torsdag ettermiddag. Politiet fekk melding kl. 13.30 frå ein person som hadde kome til staden.
Ein patrulje vart sendt ut og det vart konstatert at personane var døde.
Deretter vart bustaden låst av i påvente av kriminalteknikarar.
Dei kriminaltekniske undersøkingane vil truleg gå føre seg utover ettermiddag og kvelden. Samstundes vil det bli foretatt vitneavhør og rundspørring.
- Det er all grunn til å tru at det er bebuarane i bustaden som er funne døde. Dei er ikkje endeleg identifisert. Dødsårsaken vil bli fastslått gjennom obduksjon, seier politiadvokat Yngve Skovly.