Politiet startar etterforsking etter biogjødsellekkasje: Etterlyser video og bilete frå folk i området - Politiet.no
Politiet startar etterforsking etter biogjødsellekkasje: Etterlyser video og bilete frå folk i området
Publisert av Møre og Romsdal politidistrikt
Som del av etterforskinga etter utsleppet i Eidsvåg i Molde kommune natt til
fredag 5. september, kartlegg politiet konsekvensane for naturmangfaldet,
inkludert dyreliv, fisk, fugl og flora.
– Vi ønskjer at innbyggjarane som sit på bilete eller video som viser teikn til skade på det lokale økosystemet, til dømes død fisk eller påverka dyreliv, sender dette til politiet. Dette vil styrke dokumentasjonen i etterforskinga. Området rundt anlegget i Eidsvåg, i og langs Langfjorden og Eresfjorden er av særleg interesse, seier påtaleansvarleg, Sandra Grøtta Krakeli.Vi ber folk som kan ha slikt materiale om å sende det inn via politiet sin tipsportal: https://tips.politiet.no/app/generellPolitiet i Møre og Romsdal er i ei innleiande fase av etterforskinga. Det er mellom anna sett i gang kriminaltekniske undersøkingar på anlegget og i området rundt, og avhøyr av vitne. Politiet vil også undersøke årsaka til utsleppet og om det kan ha skjedd brot på regelverk eller andre forhold som gir grunnlag for strafferettsleg ansvar.– Det som er viktig for politiet no er å samle inn så mykje informasjon som mogleg. Sjølv om det har vore mykje omtale i media og fleire bilete har sirkulert offentleg, treng politiet fleire og meir direkte observasjonar frå folk i området. Mengda og variasjonen i dokumentasjonen kan vere avgjerande for å få eit fullstendig bilete av konsekvensane, seier påtaleansvarleg, Sandra Grøtta Krakeli.
