Organisering og leiing - Møre og Romsdal politidistrikt
Distriktet femner om eit område på 15 099 kvadratkilometer og har ei kystline på 7700 kilometer mot Norskehavet. Det er om lag 265 000 innbyggarar i Møre og Romsdal fordelt på 26 kommunar. Politidistriktet har ansvaret for polititenesta i Møre og Romsdal fylke. I tillegg til dette har distriktet ansvaret for kontinentalsokkelberedskap i området frå 62° N til 65° 30ʹ N (frå Stad til Helgeland).
Leiing
Politimeister er Elin Anja Drønnen. Drønnen er jurist med lang erfaring som blant anna dommarfullmektig, politiadvokat, seksjonleiar for påtale på Sunnmøre, påtaleleiar i Møre og Romsdal politidistrikt og driftseiningsleiar for felles operative tenester (FOT).
Visepolitimeister er Kenneth Sætre. Sætre er politiutdanna og har lang erfaring frå politiet. Han har vore distriktsleiar for politiets sikkerheitsteneste (PST) og leiar for felles operative tenester (FOT). Han har også hatt rolla som stabssjef i distriktet.
StabseiningarStab for HR og HMS Stab for verksemdstyring Stab for kommunikasjonFunksjonelle einingarFelles eining for operativ teneste Felles eining for påtale Felles eining for utlending, forvalting og sivil rettspleie Felles eining for etterretting, førebygging og etterforsking PSTGeografisk driftseiningarSunnmøre Nordmøre og Romsdal
